Пасьля закрыцьця Літвой пунктаў пропуску транспартныя патокі ў Эўразьвяз пераразьмяркуюцца.
Прадказальна павялічылася нагрузка на памежныя пераходы, якія яшчэ працуюць на літоўска-беларускай і польска-беларускай мяжы. У прыватнасьці, за дзень перад польскім памежным пераходам Кукурыкі (Казловічы) фураў пабольшала з 50 да 200. Супрацоўнікі пераходу аформілі 52% вялікагрузаў.
Найбольш загружаны маршрут у краіны Эўразьвязу праходзіць праз пункт пропуску Меднікі (Каменны Лог). За содні тут аформілі ўсяго 18% грузавікоў ад нормы, піша беларускі Дзяржаўны памежны камітэт.
Праз латвійскі пераход Патэрніекі (Грыгораўшчына) прайшло 47% фураў ад нормы.
На 10:00 легкавы транспарт стаіць у чарзе перад усімі літоўскімі пунктамі пропуску. Перад польскім Тарэспалем уезду ў ЕС чакаюць 340 аўтамабілі.
ГЛЯДЗІЦЕ ТАКСАМА: Кіраўніца МУС Літвы на мяжы зь Беларусьсю заявіла, што калі будуць новыя пагрозы, будуць новыя абмежаваньні ГЛЯДЗІЦЕ ТАКСАМА: Ад 1 сакавіка закрытыя яшчэ два пункты пропуску на мяжы Беларусі і Эўразьвязу. Што з чэргамі на іншых