Такія вынікі галасаваньня, якое адбылося ў Радзе 19 сакавіка, паведамляе прэс-служба палітычнай структуры.
Пасаду віцэ-сьпікера зойме Вольга Павук.
Кандыдатуру Андрэя Ягорава падтрымала 51,57% чальцоў Рады, якія галасавалі (31 голас), Павук – 25% (15).
4 сакавіка Ягораў заявіў, што трэба «давесьці справу ў арганізацыі выбараў» трэцяга складу КР 25 траўня «да канца». Палітык падкрэсьліў, што «асноўная адказнасьць» рады – «працяг працы самой інстытуцыі».
«Таму Каардынацыйная рада ня можа аб'явіць аб самароспуску і пакінуць пытаньне арганізацыі выбараў на каго-небудзь іншага», – дадаў ён.
19 лютага стала вядома, што дэмакратычныя сілы дамовіліся аб працэдуры выбараў у новы склад КР. «Працоўная група па выбарах, [якая складаецца з прадстаўнікоў] офіса Сьвятланы Ціханоўскай, Абʼяднанага пераходнага кабінэта і партый, дасягнула кансэнсусу», – гаварылася ў паведамленьні.
13 сакавіка Каардынацыйная рада зацьвердзіла палажэньне аб выбарах у КР і накіравала яго Ціханоўскай, якая ўзначальвае Абʼяднаны пераходны кабінэт.
ГЛЯДЗІЦЕ ТАКСАМА: На раздарожжы. Якой можа быць стратэгія дэмакратычнай супольнасьці ў цяперашніх умовах ГЛЯДЗІЦЕ ТАКСАМА: «У Каардынацыйнай рады спрэчкі і праблемы не зь Ціханоўскай, а з прадстаўнікамі Кабінэту», — сьпікер КР Ягораў