Сёньня ў Гомелі мясцовае ўпраўленьне КДБ працягвала ператрусы на кватэрах актывістаў ды іх сваякоў.
Зранку супрацоўнікі КДБ правялі ператрус у кватэры намесьніка старшыні Гомельскай абласной арганізацыі АГП, кардынатара руху “За Свабоду!” Ўладзімера Кацоры.
Паводле словаў палітыка, сканфісканы невялікія наклады малафарматных газэтаў “Свабода”, “Калінка”, некалькі ўлётак у абарону маладога актывіста Зьмітра Дашкевіча, плякат “Дзе Захаранка?”, а таксама дзелавыя паперы з асабістай тэчкі.
Затым супрацоўнікі КДБ павезьлі Ўладзімера Кацору ў вёску Шарпілаўка Гомельскага раёну, каб зрабіць ператрус у хаце цешчы апазіцыйнага актывіста.
Ператрусы зьвязаны з распаўсюдам у Гомелі ўлётак пра замоўлены на 16 сьнежня мітынг супраць адмены льготаў, дазвол на які гарадзкі выканаўчы камітэт ня даў. КДБ шукае ўлёткі й капіявальную тэхніку.