Сёньня ў часе і пасьля акцыі пратэсту прадпрымальнікаў былі затрыманыя дзясяткі людзей
У міліцыі Цэнтральнага раёну Менску знаходзяцца каля двух дзясяткаў актывістаў моладзевага дэмакратычнага руху. Бальшыня затрыманых — студэнты.
Сярод іх ёсьць выпускнікі гуманітарнага ліцэю імя Якуба Коласа, а таксама ўдзельнікі леташніх вясновых акцыяў апазыцыі.
У ліку затрыманых — Павал Вінаградаў, Аляксандар Баразенка, Артур Кацуха.
У міліцыі Маскоўскага раёну знаходзяцца лідэр АГП Анатоль Лябедзька і лідэр “Пэрспэктывы” Анатоль Шумчанка.
У рэгіёнах прэвэнтыўна затрыманы шэраг актывістаў прадпрымальніцкага руху.