Апошні месяц, з канца сьнежня, абменныя пункты банкаў працавалі з абароту, набыць можна было толькі тую валюту, якую здалі кліенты.
26 студзеня Нацыянальны банк прыняў пастанову, згодна зь якой у абменных пунктах павінна прадавацца і тая валюта, якую банкі купляюць на біржы. Банкам загадана «ажыцьцяўляць продаж у поўным аб’ёме замежнай валюты, набытай банкамі за кошт уласных сродкаў на таргах Беларускай валютна-фондавай біржы, а таксама ў фізычных асобаў».