Паводле пажарных, полымем ахоплена блізу пяцідзесяці квадратных мэтраў плошчы. Пажар усчаўся прыкладна гадзіну таму. Яго гасіць больш за дзясятак пажарных разьлікаў. Пра прычыны пажару й магчымыя ахвяры пакуль не паведамляецца.
Густы чорны дымны шлейф ад пажару расьцягнуўся на некалькі кілямэтраў. Вецер зносіць яго на жылыя кварталы раёну, які ў Магілёве завецца рабочым пасёлкам.
