З маладафронтаўцаў пастаноўлена спагнаць 1 мільён 897 тысяч рублёў матэрыяльнай і маральнай кампэнсацыі за яйкі, кінутыя ў помнік Леніну 7 лістапада мінулага году.
Камуністы Мікалай Юшчанка і Мікалай Валовіч патрабавалі 2 мільёны матэрыяльнай кампэнсацыі за адзеньне, нібыта запэцканае разьбітымі аб помнік яйкамі, а таксама па 2,5 мільёна рублёў за маральныя пакуты. Суд задаволіў пазоў часткова і спагнаў з маладафронтаўцаў 1 мільён 897 тысяч рублёў. Сакратар ЦК КПБ Мікалай Валовіч заявіў, што задаволены і гэткім вынікам:
«Я задаволены вынікам судовага паседжаньня. Пазоў быў задаволены хоць і ня ў поўным аб’ёме, але яны атрымалі пакараньне за свае хуліганскія дзеяньні. Абскарджваць рашэньне суду я ня буду».
Штраф мусяць сплаціць маладафронтаўцы Міхась Мускі, Раман Васільеў і Павал Сяргей. Міхася Мускага і Рамана Васільева даставілі ў суд з турмы на Акрэсьціна, дзе яны адбываюць 15 сутак адміністрацыйнага арышту пасьля ўдзелу ў Чарнобыльскім шляху 26 красавіка. Паўла Сяргея ў судзе не было з тае прычыны, што на гэты ж час яму быў прызначаны суд у Фрунзенскім раёне Менску, таксама за ўдзел у Чарнобыльскім шляху, і адначасна ён быў выкліканы ў ваенкамат у Маладэчне. Прысуд маладафронтаўцам камэнтуе маці Міхася Мускага Ірына:
«Я лічу, што гэта звычайнае вымагальніцтва. Ну, няхай пажывуць за чужы кошт. І судзьдзя паглядзеў не на гэта, а на тое, што гэтыя маладыя людзі — сябры „Маладога фронту“. А ў нас гэтага нельга. Каб яны былі БРСМаўцамі ці камуністамі, то ўсё было б добра, праўда была б на іх баку. А паколькі яны маладафронтаўцы, то і засталіся вінаватымі».
Актывісты «Маладога фронту», якія прыйшлі падтрымаць сваіх паплечнікаў у судзе, заяўляюць, што абураныя вынікам. Прысуд, вынесены судзьдзём Юрыем Шастаковым, камэнтуе Кася Галіцкая:
«Судзьдзя сваім рашэньнем прадэманстраваў тое, што беларуская аўтарытарная сыстэма спачувае камуністычнай савецкай сыстэме. І гэта адразу было бачна па настроях судзьдзі. Але для нас галоўнае — паказаць барацьбу ідэалёгій, а не барацьбу за чысьціню паліто».
Паводле Касі Галіцкай, прысуд Маскоўскага раённага суду маладафронтаўцы будуць абскарджваць у гарадзкім судзе Менску.
Камуністы Мікалай Юшчанка і Мікалай Валовіч патрабавалі 2 мільёны матэрыяльнай кампэнсацыі за адзеньне, нібыта запэцканае разьбітымі аб помнік яйкамі, а таксама па 2,5 мільёна рублёў за маральныя пакуты. Суд задаволіў пазоў часткова і спагнаў з маладафронтаўцаў 1 мільён 897 тысяч рублёў. Сакратар ЦК КПБ Мікалай Валовіч заявіў, што задаволены і гэткім вынікам:
«Я задаволены вынікам судовага паседжаньня. Пазоў быў задаволены хоць і ня ў поўным аб’ёме, але яны атрымалі пакараньне за свае хуліганскія дзеяньні. Абскарджваць рашэньне суду я ня буду».
Штраф мусяць сплаціць маладафронтаўцы Міхась Мускі, Раман Васільеў і Павал Сяргей. Міхася Мускага і Рамана Васільева даставілі ў суд з турмы на Акрэсьціна, дзе яны адбываюць 15 сутак адміністрацыйнага арышту пасьля ўдзелу ў Чарнобыльскім шляху 26 красавіка. Паўла Сяргея ў судзе не было з тае прычыны, што на гэты ж час яму быў прызначаны суд у Фрунзенскім раёне Менску, таксама за ўдзел у Чарнобыльскім шляху, і адначасна ён быў выкліканы ў ваенкамат у Маладэчне. Прысуд маладафронтаўцам камэнтуе маці Міхася Мускага Ірына:
«Я лічу, што гэта звычайнае вымагальніцтва. Ну, няхай пажывуць за чужы кошт. І судзьдзя паглядзеў не на гэта, а на тое, што гэтыя маладыя людзі — сябры „Маладога фронту“. А ў нас гэтага нельга. Каб яны былі БРСМаўцамі ці камуністамі, то ўсё было б добра, праўда была б на іх баку. А паколькі яны маладафронтаўцы, то і засталіся вінаватымі».
Актывісты «Маладога фронту», якія прыйшлі падтрымаць сваіх паплечнікаў у судзе, заяўляюць, што абураныя вынікам. Прысуд, вынесены судзьдзём Юрыем Шастаковым, камэнтуе Кася Галіцкая:
«Судзьдзя сваім рашэньнем прадэманстраваў тое, што беларуская аўтарытарная сыстэма спачувае камуністычнай савецкай сыстэме. І гэта адразу было бачна па настроях судзьдзі. Але для нас галоўнае — паказаць барацьбу ідэалёгій, а не барацьбу за чысьціню паліто».
Паводле Касі Галіцкай, прысуд Маскоўскага раённага суду маладафронтаўцы будуць абскарджваць у гарадзкім судзе Менску.
