У ноч з 7 на 8 лютага ў Беларусі падаражэе аўтамабільнае паліва, піша TUT.BY са спасылкай на некалькі нязьвязаных паміж сабой крыніц.
Пасьля падаражаньня
АІ-92 будзе каштаваць 1 рубель 21 капейку (гэта +2 капейкі),
АІ-95 — 1 рубель 29 капеек (+2 капейкі),
АІ-98 — 1 рубель 50 капеек (+12 капеек),
дызэльнае паліва — 1 рубель 31 капейка (+2 капейкі).
У студзені 2017 году намесьнік старшыні канцэрну «Белнафтахім» Андрэй Рыбакоў прапанаваў узьняць цэны на паліва як мінімум на 23%, каб кампэнсаваць рост нафты.
Апошні раз паліва даражэла летась 26 кастрычніка — на 2 капейкі. Усяго ж за 2017 цана паліва вырастала сем разоў і агулам склала 8 капеек.
