Дысцыплінарная антыдопінгавая камісія 4 верасьня вынесла рашэньне аб дыскваліфікацыі пяці беларускіх спартоўцаў. Спартовыя вынікі некаторых зь іх ануляваныя.
Каго і на колькі дыскваліфікавалі?
- Трэнэра ў цяжкой атлетыцы Сяргея Вішняка дыскваліфікавалі на 4 гады.
- Плыўчыху Анастасію Станкевіч — на 2 гады.
- Цяжкаатлетку Аляксандру Мірэнкову — на 2 гады.
- Цяжкаатлета Арцёма Даньльчыка — на год.
- Цяжкаатлетку Аліну Шчапанаву — на год.
Камісія анулявала спартовыя вынікі ўсіх цяжкаатлетаў, якіх яны дасягнулі ад 3 красавіка 2018 году. У іх допінг пробах выявілі забароненую субстанцыю дымэтыльпэнтылямін.
Трэнэр Вішняк дыскваліфікаваны за тое, што прызначаў субстанцыю спартоўцам у час спаборніцтваў.
У допінг-пробе плыўчыхі Станкевіч выявілі мэльдоній, камісія анулявала яе спартовыя вынікі ад 16 студзеня 2018 году.
