Менск. МАЗ
На тэрыторыі завода каля галоўнай прахадной адбываецца сустрэча рабочых з намесьнікам гендырэктара Сяргеем Яўтухоўскім. Ён выйшаў да рабочых, калі яны пачалі зьбірацца для абмеркаваньня страйку. Казаў, што нікога з працаўнікоў МАЗу не перасьледавалі і што удзел у страйку нанясе вялікія страты заводу, паведамляюць крыніцы. На заводзе, паводле сябраў страйкаму, не працуе больш за 50 чалавек.
Менск. Журфак БДУ
Горадня. «Гродна Азот»
Рабочыя, якія вырашылі баставаць, спрачаюцца з генэральным дырэктарам. Кіраўнік завода спрабаваў іх угаварыць перадаць зьмену.
Менск. Каля БНТУ разагналі студэнтаў
Менск. БДМУ
Студэнты-мэдыкі спрачаюцца з рэктарам...
... і сьпяваюць «Тры чарапахі»
Менск. Студэнты аб'ядноўваюцца ў марш
Дзьве калёны студэнтаў, БДПУ і БДУ, аб’ядналіся ў адну каля хімічнага факультэта БДУ. Студэнты скандуюць «Пока мы едины, мы непобедимы».
Тым часам ад БНТУ праспэктам ідзе другая калёна студэнтаў.
Менск. ДАІ перакрыла праспэкт Незалежнасьці каля ЦУМа
Менск. МЭТЗ
Па словах рабочых, дзьве траціны работнікаў Электратэхнічнага заводу імя Казлова не працуюць. «Мы падтрымліваем нашага выбраную прэзыдэнтку Ціханоўскую ў яе патрабаваньні тэрміновай адстаўкі Лукашэнкі», — сказаў актывіст заводу Аляксандар.
Зь ягоных словаў, не працуюць рабочыя 16-га, 6-га і 9 цэхаў, таксама цалкам не працуе філял заводу ў Калядічах. Усяго цяпер страйкуюць больш за 300 чалавек. Паводле Аляксандра, адміністрацыя заводу на кантакт са страйкоўцамі не ідзе. «Ходзяць, думаюць, што рабіць, як спыніць страйк», — кажа ён пра адміністрацыю.
Другі працаўнік заводу расказаў пра шматлікія праверкі рабочых, якія кураць ў курылках. «У нас 2 вялікія курылкі, там рабочыя-страйкоўцы бавяць час. Дык шмат разоў ужо прыходзілі туды з праверкамі, правяралі пропускі. Але гэта ня дзейнічае, рабочыя ўсё роўна адмаўляюцца працаваць», — кажа рабочы.
Усе прадпрыемствы працуюць у штатным рэжыме, — прэс-сакратарка прэм’ера Галоўчанкі
Ужо 25 затрыманых у Беларусі
Праваабаронцам вядомыя імёны ўжо 24 затрыманых сёньня раніцай — у тым ліку ля «Гродна Азоту», дзе страйкуюць рабочыя.
Менск. МТЗ
Каля 50 рабочых прэсавага цэха МТЗ правялі марш па тэрыторыі прадпрыемства з заклікам да рабчых далучацца да забастоўкі. «Далучайся» — заклікалі рабочыя. Паводле актывістаў з МТЗ, агульны страйк на прадпрыемстве яшчэ не пачаўся. «Адміністрацыя ўсяляк супрацьдзейнічае, але настрой «у шмат каго з рабочых крытычны», — кажуць страйоўцы.
Праз гадзіну, у 11.30 каля заводаўпраўленьня мяркуецца правесьці сход рабочых, якія зьбіраюцца далучыцца да забастоўкі з патрабаваньнем адстаўкі Лукашэнкі.
Менск. Студэнты ўжо пайшлі калёнай па горадзе
Раскажыце нам, ці вы бастуеце
26 кастрычніка — агульнанацыянальны страйк, абвешчаны Сьвятланай Ціханоўскай. Дасылайце нам фота і відэа, калі вы і ваша прадпрыемства (кампанія) вырашылі падтрымаць страйк — на Telegram @SvabodaBelarus.
Менск МДЛУ
Студэнты МДЛУ выйшлі на ганак унівэрсытэту і выгукаюць «„Азот“, мы з вамі!».
Менск. МТС
Супрацоўнікі МТС выйшлі на пратэст да галоўнага ўваходу свайго офісу.
Менск. БДУіР
У БДУІРы адбылася спрэчка дэкана са студэнтам:
— Гэты паважаны чалавек хоча сказаць, што ён нам улада…
— Так! Вы ня ўлада.
Пасьля гэтых слоў дэкана студэнты пачалі скандаваць: «Мы тут улада»
Міністэрства прамысловасьці сьцьвярджае, што на буйных прадпрыемствах няма страйкаў
Беларускія прамысловыя прадпрыемствы працуюць у панядзелак з раніцы ў штатным рэжыме, заявіў «Інтэрфаксу» памочнік міністра прамысловасьці Часлаў Шульга.
«На гэты момант у нас няма інфармацыі, што прадпрыемствы страйкуюць», – сказаў Шульга. Ён заявіў, што ў міністэрстве таксама «няма інфармацыі, што групы рабочых зьбіраюцца на прадпрыемствах, каб страйкаваць.
Горадня. «Гродна-Азот»
«Гродна-Азот» цяпер. Рабочыя працягваюць стаяць перад прахадной.
Студэнты найбуйнейшых ВНУ выходзяць на акцыі пратэсту
На фота ад чытача — БДУІР. На вуліцы зьбіраюцца, напрыклад, студэнты БНТУ і БДАМ, на «сядзячы» пратэст у карпусах — БДТУ і БДУ.
Менск. МАЗ