Змаганьне ўладаў з нацыянальнымі колерамі набывае нечаканыя формы
У Менску вырашылі не перафарбоўваць бел-чырвона-белую вежу ў раёне «Ўсход», а проста сьпілаваць.
У дзень маршаў пратэсту у Менску агароджваюць цэнтральныя плошчы. Так адбываецца і сёньня
У цэнтар Менску пагналі вайсковую тэхніку, заўважылі 6 БТР
У менскім Уруччы заўважылі ланцугі зь дзяржаўнымі сьцягамі, вітаюць спэцтэхніку
У Менску зачынілі 10 станцый мэтро
У 11.55 на ўваход і выхад зачыненыя станцыі мэтро «Плошча Леніна», «Кастрычніцкая», «Плошча Перамогі», «Плошча Якуба Коласа», «Няміга», «Купалаўская», усе станцыі трэцяй лініі, паведамляе Менскі мэтрапалітэн.
Акцыі салідарнасьці і памяці няспынна праходзяць па ўсёй Беларусі
Менск. Людзі пачынаюць зьбірацца на марш
У адным з раёнаў Менску на марш пачынаюць зьбірацца людзі зь бела-чырвона-белымі сьцягамі.
Тым часам ужо бачылі першыя затрыманьні, перадае The Village.
Менск. Закрываюць прыпынкі наземнага транспарту
На праспэкце Незалежнасьці ад вуліцы Янкі Купалы да Інстытуту Культуры не спыняюцца таксама аўтобусы. Гэта прыпынкі «Станцыя мэтро „Кастрычніцкая“», «Леніна», «Плошча Незалежнасьці», «Валадарскага».
Менск. «Ланцуг салідарнасьці»
На Някрасава нядаўна стаяў такі «ланцуг салідарнасьці»
Каменная Горка выходзіць на марш
Менск. Адключылі мабільны інтэрнэт
Афіцыйнага пацьверджаньня гэтага пакуль няма.
Менчукі зьбіраюцца на марш у розных раёнах
Берасьце. У цэнтры міліцыянтаў больш, чым людзей
Карагод каля Нацыянальнай бібліятэкі
Менск. У мікрараёнах зьбіраецца ўсё больш людзей
Сілавікі разагналі калёну ў Малінаўцы
Менск. Сілавікі ўжылі супраць людзей спэцсродкі
Супраць людзей, якія стаяць у раёне мэтро «Каменная горка» сілавікі прымянілі спэцсродкі.
А вось як нядаўна зьбіраліся людзі ў адным з раёнаў Менску.
Менск. Ва Ўруччы сфармавалася калёна ў некалькі тысяч
Ва Ўруччы вялікая калона ўжо дасягнула каля 4000 чалавек, паведамляе Белсат. Да яе далучаюцца меншыя калоны з іншых раёнаў гораду. Людзі выйшлі на дарогу, але прапускаюць грамадскі транспарт.
У Гомлі затрымліваюць актывістаў
У Гомлі на анансаваны Марш а 12-й гадзіне выйшлі пакуль толькі міліцыянты. Гамельчукі прызначылі на нядзелю іншую кропку збору — ня ў цэнтры гораду, а ў мікрараёне Валатава, ля гіпэрмаркета «Алмі». У прамежку ад 12 гадзіны да 12.50 на кропку збору прышлі толькі міліцыянты і «сінія бусы», якія курсіруюць па мікрараёну
Тым часам у двух гомельскіх актывістаў — Сьвятланы Нарскінай і Аляксандра Гехта праходзяць ператрусы. Прычына іх невядомая. У суботу ў Гомлі затрымалі Ларысу Пеціну і Ірыну Патапаву — летам яны працавалі ў ініцыятыўнай групе Віктара Бабарыкі. Цяпер жанчыны ў ІЧУ. Прычына затрыманьня невядомая.
Менск. Пасьля выбухаў на Каменнай Горцы закрылі мэтро
Пасьля таго, як сілавікі ўжылі на Каменнай Горцы спэцсродкі супраць мірных дэманстрантаў, мэтрапалітэн закрыў там станцыю.
Людзі выйшлі на праезную частку