Хроніка перасьледу 31 студзеня: 1,5 года турмы за абразу Лукашэнкі, два гады «хіміі» за абразу Караніка

У Бабруйску жанчыну адправілі ў калёнію за абразу Лукашэнкі

Вольгу Кукушкіну з Бабруйску абвінавацілі ў абразе Аляксандра Лукашэнкі (арт. 368) і прадстаўнікоў улады (арт. 369) і прысудзілі ёй 1,5 года калёніі, паведамляе «Вясна».

Восеньню 2021 году ў жанчыны прайшоў ператрус, пасьля якога ў тэлефоне Вольгі знайшлі выяву Лукашэнкі і беларускіх чыноўнікаў у нацысцкай форме. Паводле вэрсіі сьледзтва, гэтую выяву Вольга разьмясьціла ў закрытым чаце больш за год таму.

ГЛЯДЗІЦЕ ТАКСАМА:

«Няхай вашым псэўданімам будзе „Бонд“. Актывіст Павал Батуеў расказаў, як яго завэрбаваў КДБ

У Берасьці прысудзілі 2 гады «хіміі» за камэнтар пад фота Караніка

Вячаслава Панасюка зь Берасьця абвінавацілі ў тым, што ў адной з сацсетак пад фатаздымкам былога міністра аховы здароўя, кіраўніка Горадзенскага аблвыканкаму Ўладзімера Караніка, «маючы намер на публічную абразу прадстаўніка ўлады ў сувязі з выкананьнем ім службовых абавязкаў», ён напісаў непрыстойны камэнтар, які «прыніжае гонар і годнасьць пацярпелага».

Судзьдзя Марына Скалковіч прысудзіла Вячаславу Панасюку 2 гады «хіміі».

ГЛЯДЗІЦЕ ТАКСАМА:

Праваабаронцы Бяляцкі, Стэфановіч і Лабковіч 200 дзён у турме, Рабкова — 500. Як маюцца «вясноўцы» за кратамі?

Затрымалі цёзку Латушкі

Праваабаронцы паведамляюць пра затрыманьне ў Менску Анатоля Латушкі.

Да мужчыны прыйшлі з ператрусам, падчас якога знайшлі ўлёткі, піша «Вясна».

Іншых зьвестак аб падрабязнасьцях затрыманьня і месцазнаходжаньні Анатоля пакуль няма.