Пра арышт тыражу газэты “Вольны горад” “Свабодзе” паведаміў рэдактар газэты Сяргей Няроўны. Паводле яго словаў, апэрацыяй кіраваў чалавек у цывільным. Спадар Няроўны не выключае, што гэта быў супрацоўнік КДБ.
Паводле словаў рэдактара, спачатку міліцыянты пераканаліся, што абодва нумары газэты надрукаваныя тыражом меней за 300 экзэмпляраў, што дазволена законам, і ўжо зьбіраліся прапусьціць рэдакцыйны аўтамабіль, але чалавек у цывільным загадаў арыштаваць тыраж.
Прычынаў арышту тыражу газэты Сяргею Няроўнаму не патлумачылі. Ён мяркуе, што напярэдадні дня гораду ўлада спрабуе пазбавіць гараджан зьвестак пра сапраўднае становішча ў рэгіёне.
“Вельмі шмат праблемаў. Мясакамбінат амаль збанкрутаваў. Нават на Цэмэнтна-шыфэрным камбінаце справы ідуць дрэнна., асабліва па ўводзе трэцяй печы. Я ўжо не кажу пра стан на Заводзе гумавых вырабаў. Там жах, людзі зьвярнуліся ў адміністрацыю прэзыдэнта са скаргай на дырэктара. Пішуць, што іх абражаюць, заробкі плацяць малыя, умовы працы дрэнныя. І мы пра гэта ўсё пішам”.
Газэта “Вольны горад” выходзіць з 1998 году. У Беларусі газэту не рэгіструюць і не дазваляюць друкавацца ў мясцовай друкарні, з-за чаго “Вольны горад” вымушаны друкавацца ў Смаленску.
Паводле словаў рэдактара, спачатку міліцыянты пераканаліся, што абодва нумары газэты надрукаваныя тыражом меней за 300 экзэмпляраў, што дазволена законам, і ўжо зьбіраліся прапусьціць рэдакцыйны аўтамабіль, але чалавек у цывільным загадаў арыштаваць тыраж.
Прычынаў арышту тыражу газэты Сяргею Няроўнаму не патлумачылі. Ён мяркуе, што напярэдадні дня гораду ўлада спрабуе пазбавіць гараджан зьвестак пра сапраўднае становішча ў рэгіёне.
“Вельмі шмат праблемаў. Мясакамбінат амаль збанкрутаваў. Нават на Цэмэнтна-шыфэрным камбінаце справы ідуць дрэнна., асабліва па ўводзе трэцяй печы. Я ўжо не кажу пра стан на Заводзе гумавых вырабаў. Там жах, людзі зьвярнуліся ў адміністрацыю прэзыдэнта са скаргай на дырэктара. Пішуць, што іх абражаюць, заробкі плацяць малыя, умовы працы дрэнныя. І мы пра гэта ўсё пішам”.
Газэта “Вольны горад” выходзіць з 1998 году. У Беларусі газэту не рэгіструюць і не дазваляюць друкавацца ў мясцовай друкарні, з-за чаго “Вольны горад” вымушаны друкавацца ў Смаленску.
